एक हाथ म्हें तख्ती लेऱ्या वो छोरा!
कलम, दवात अर बरती लेऱ्या वो छोरा!!
पाट्या झोल़ा टांग रह्या वो खोवै पै,
फटी-पुराणी काप्पी लेऱ्या वो छोरा!
पोह का महिन्ना, पाट्टे बूट, दिखें एड्डी,
पाट्टी जर्सी, सिसकी लेऱ्या वो छोरा!
दूर सड़क पै चा' की रेहड़ी दिक्खै सै,
मन-मन के म्हें चुस्की लेऱ्या वो छोरा!
कद पढ़नै का चा था, दलिये का मोह था,
बस्ते भित्तर थाळी लेऱ्या वो छोरा!!
(बाल-दिवस पर विशेष)
कलम, दवात अर बरती लेऱ्या वो छोरा!!
पाट्या झोल़ा टांग रह्या वो खोवै पै,
फटी-पुराणी काप्पी लेऱ्या वो छोरा!
पोह का महिन्ना, पाट्टे बूट, दिखें एड्डी,
पाट्टी जर्सी, सिसकी लेऱ्या वो छोरा!
दूर सड़क पै चा' की रेहड़ी दिक्खै सै,
मन-मन के म्हें चुस्की लेऱ्या वो छोरा!
कद पढ़नै का चा था, दलिये का मोह था,
बस्ते भित्तर थाळी लेऱ्या वो छोरा!!
(बाल-दिवस पर विशेष)
कोई टिप्पणी नहीं:
एक टिप्पणी भेजें