शुक्रवार, 17 फ़रवरी 2012

लड़ै नगोड्डी काण्डी/Ladai Nagodi Kandi



जमीदार की छोरी तन्नै प्रीत निभाई आण्डी।
तेरै प्यार म्हैं तूड़ी ढोऊँ लड़ै नगोड्डी काण्डी।।

ना कोए चारा,
लक्कड़ हारा,
बण्या बिच्यारा।
काण्डे गात छोलगे मेरा काट्टूँ किक्कर जाण्डी।

प्रीत नगोड्डी,
दुनिया छोड्डी,
टिकगी ठोड्डी।
तेरै बाप अर भाई नै मेरी जम कै देही चाण्डी।

झुट्ठी महबत,
फुट्टी किस्मत,
चढगी स्यामत।
तेरै बाप नै तेरी सगाई दूर गाम म्हैं माण्डी।

हो ना सूणा,
मारूँ  कूणा,
कर द्यूँ टूणा।
‘नमन’ तेरी डोल़ी कै राह म्हैं टांगूँ काल़ी हाण्डी।।

1 टिप्पणी:

एक टिप्पणी भेजें